A Capela recibirá unha unidade móbil de doazón de sangue este venres
A veciñanza da Capela terá unha nova oportunidade para doar sangue este venres 31 de xullo coa visita da unidade móbil da Axencia de Doazón de Órganos e Sangue (ADOS), que permanecerá instalada diante da Casa do Concello entre as 16.00 e as 21.00 horas.
A campaña busca facilitar a doazón sen necesidade de desprazarse a un centro hospitalario e anima á cidadanía a participar para contribuír a manter as reservas de sangue, fundamentais para atender intervencións cirúrxicas, tratamentos oncolóxicos, urxencias e outras necesidades asistenciais.
Desde ADOS lembran que unha única doazón pode beneficiar a varias persoas e destacan a importancia de manter un fluxo constante de doantes durante todo o ano para garantir o abastecemento dos hospitais galegos.
As persoas que desexen colaborar deberán acudir cun documento identificativo e cumprir os requisitos habituais para doar sangue. Ademais, recoméndase acudir ben hidratado e ter realizado unha comida lixeira antes da doazón.