Boebre contará por primera vez con un parque infantil y una zona biosaludable
Boebre contará proximamente con un nuevo parque infantil y biosaludable, un equipamiento que permitirá dotar por primeira vez á parroquia de un espazo específico para o lecer e o exercicio de diferentes xeracións.
A actuación será posible grazas á cesión dunha parcela propiedade da Asociación de Veciños de Boebre, que decidiu poñer o terreo á disposición do Concello de Pontedeume para facer realidade este proxecto.
O novo equipamento contará cunha zona destinada ao xogo dos nenos e nenas e outra con elementos biosaludables pensados para que as persoas maiores poidan realizar exercicio físico ao aire libre.
A iniciativa permitirá mellorar os espazos públicos da parroquia e crear un novo punto de encontro para a veciñanza, con instalacións pensadas para diferentes grupos de idade.
Desde o Concello destacan a importancia da colaboración coa asociación veciñal, que durante os últimos meses traballou con responsables municipais para avanzar na definición da actuación e atopar a mellor solución para aproveitar a parcela.
A cesión do terreo supón así un exemplo de colaboración entre a Administración local e o tecido asociativo, permitindo incorporar un novo servizo público sen necesidade de dispoñer inicialmente dun espazo municipal para a súa instalación.
O proxecto encaixa na liña de mellora dos espazos públicos das parroquias que está a desenvolver o Concello de Pontedeume, coa intención de ampliar os equipamentos dispoñibles para a veciñanza e favorecer zonas de convivencia, actividade física e lecer.
O futuro parque dará resposta especialmente ás necesidades da poboación infantil e das persoas maiores de Boebre, que disporán dun lugar próximo no que xogar, facer exercicio e compartir tempo ao aire libre.