Irene García Nebril e Ariel Soto Meizoso fanse coa XII Milla Urbana de Valdoviño
Máis de 200 atletas de todas as idades participaron esta mañá na XII edición da Milla Urbana de Valdoviño, organizada pola Concellería de Deportes. O paseo da lagoa e a praia da Frouxeira volveron converterse no escenario desta proba, que este ano bateu todos os récords de participación ao duplicar os rexistros da última edición.
Irene García Nebril e Ariel Soto Meizoso proclamáronse vencedores da categoría absoluta, unha das que reuniu máis participantes xunto coa de biberóns, na que todos os nenos e nenas recibiron a súa medalla.
Na categoría absoluta feminina, Irene García Nebril conseguiu o primeiro posto, seguida de Sara Romero Galdo e Laura Alonso Cortabitarte. Na masculina, Ariel Soto Meizoso foi o primeiro clasificado, por diante de Martín Otero Villadónica e Pablo Pedrosa Paz.
En benxamíns, os tres primeiros postos femininos foron para Jimena Cal Méndez, Leire Ramos López e Andrea López Jorge, mentres que na clasificación masculina se impuxeron Adrián Alarcón Pose, Antón Lareo Salorio e Alessandro Minotta Torres.
Na categoría alevín feminina, Alba Jiménez Vílchez acadou a primeira posición, seguida de Lara Freire Suárez e Carme Lorenzo Teijeiro. Na masculina, o podio estivo formado por Dylan Alarcón Pose, Adrián Gómez Caneiro e Xaiver Deibe Rey.
En infantís, Maia Pardo Barreto, Vega Yáñez Ameneiro e Cayetana Rey Dobarro ocuparon os tres primeiros postos femininos. Na clasificación masculina, os mellores resultados foron para Iván Gómez Caneiro, Lucas Jiménez Vílchez e Adrián López Andrade.
Na categoría cadete feminina, Irene García Nebril foi primeira, seguida de Noa Villadóniga Sanesteban e Ainhoa Dopico Pena. Na masculina, Martín Otero Villadóniga conseguiu a primeira posición e Roque Caneiro Fonticoba foi segundo.
En xuvenís, Sara Romero Galdo e Sabela Pérez Iglesias ocuparon as dúas primeiras posicións femininas. Na clasificación masculina, Ariel Soto Meizoso foi primeiro, seguido de Álvaro Canosa Cortizas e Martín Beceiro Celeiro.
Na categoría júnior-promesa feminina, Lúa Figueroa Lago foi a primeira clasificada. Na masculina, Hugo Teijeiro Sevilla acadou o primeiro posto, por diante de Hugo Alonso López e Ángel Cagigao Vázquez.
En sénior, Laura Alonso Cortabitarte, Sabela Yáñez López e Verónica Roget García ocuparon as tres primeiras posicións femininas. Na clasificación masculina, Pablo Pedrosa Paz foi primeiro, seguido de Jairo Valea López e Daniel Ríos Graña.
Na categoría de veteranos 1 feminina, Tamara Fernández García conseguiu a primeira posición, seguida de Mercedes Pérez Varela e Elke Peherstorfer. Na masculina, Borja Pico Feal foi primeiro, André Pan segundo e Cristian Calvo González terceiro.
En veteranos 2, Rocío Barro Casal, Rocío Vílchez Simo e Nidia González ocuparon os tres primeiros postos femininos. Na clasificación masculina, Roberto Martínez Castro foi primeiro, seguido de Luis Mauricio Loaiza Jaramillo e David Ahijado Fernández.
Na categoría de veteranos 3 feminina, Rebeca Soto Viñas acadou a primeira posición, por diante de María Victoria Grueiro Hermida e María Begoña García Cortázar. Na masculina, Javier Tuimil Calvo foi primeiro, seguido de José Ángel López Villar e Vicente Muñoz Hermida.
Por último, na categoría de veteranos 4, Miguel Ángel Varela López conseguiu o primeiro posto, seguido de José Manuel Insua Rodríguez e José López Aneiros.
O Concello de Valdoviño agradeceu especialmente a colaboración da Agrupación Local de Voluntarios de Protección Civil e da Policía Local, cuxo traballo fixo posible o dispositivo de seguridade da carreira.