Pontedearte abre as súas portas na Casa da Cultura de Pontedeume
A exposición colectiva Pontedearte xa está inaugurada na Casa da Cultura de Pontedeume, onde poderá visitarse ata o 29 de outubro. A mostra reúne obras de preto de 30 artistas e convértese nunha das propostas culturais destacadas da programación deste mes na vila.
A exposición ofrece ao público a oportunidade de achegarse ás creacións de artistas como Carmen Alvariño, Lila Cánzos, Andrés Feal, Cristina Fraga, Jesús Giménez, Julia Gómez, Ricardo González, Manuel González, Carmen Ojea, Silvia Pineiro, Ángeles Real, Maite Regueira, Xosé A. Rodríguez, Ernesto Fdz. Calvet, Sandra Sarmiento, Raquel Molinero, Josefina Chansa, Conchita Iglesias, Araceli Feal, Javier Feal, Victoria Vázquez, María José Varela, Mercedes Molares, Iria Domínguez, Anabel Golpe, Bani Sánchez e Natividad Diez, entre outros.
A mostra pode visitarse na Casa da Cultura de Pontedeume do 16 ao 29 de outubro, en horario de 18.00 a 20.00 horas.