Setenta bailaríns converterán Odeón nunha pista de baile con campións galegos, nacionais e mundiais
A Praza de Eventos do Centro Comercial Odeón converterase este sábado nunha gran pista de baile coa exhibición organizada polo Club de Baile Deportivo Narón. A actividade reunirá uns 70 bailaríns, entre os que se atopan deportistas que acumulan títulos galegos, nacionais e internacionais.
A exhibición comezará ás 19.00 horas e terá unha duración aproximada dunha hora. Durante este tempo, o público poderá coñecer diferentes modalidades do baile deportivo e comprobar o nivel técnico dos deportistas que forman parte do club.
Sobre a pista pasarán bailaríns especializados en modalidades como Standard, Latino, Solo e Danza Coreográfica, cunha representación de diferentes estilos dentro desta disciplina deportiva.
Entre os participantes estarán algúns dos principais deportistas do Club de Baile Deportivo Narón, entidade fundada na cidade en 2008 e que desenvolve desde entón a súa actividade arredor desta modalidade.
A proposta busca tamén achegar o baile deportivo á cidadanía y ofrecer unha actividade que combine música, deporte e espectáculo. A organización anima tanto ás persoas afeccionadas ao baile como ao público xeral a achegarse ao centro comercial para coñecer o traballo dos deportistas.
A exhibición permitirá así ver en directo o talento de bailaríns que teñen acadado resultados destacados en competicións de Galicia, España e tamén a nivel mundial, nunha xornada aberta aos visitantes de Odeón.